पहिलो चरणको कोरोना संक्रमण केही निर्मुल भएसँगै परिवार सरल जिवनयापनमा फर्किएको उनि बताउँछिन् । आफ्नो विगतलाई सम्झिदै उनले भनिन्, ‘खान लाउन पनि निकै समस्या हुने गर्दथ्यो ।’ पहिलो चरणको कोरोनाले त झनै बिर्सनै नसकिने छाप छोडेको छ’, काखमा २ वर्षको छोरा च्याप्दै भनिन, ‘यसपाली त झनै गाह्रो बनायो ।’

विक जस्तै खुटिया किनारमा गिट्टी कुटेर जिवन चलाउने अरुपनि थुप्रै परिवार रहेका छन् । र सबैका पिडा उस्तै छ । बल्ल बल्ल तंग्रिन सूरु गरेको जिवनयापनामा फेरीपनि कोरोनाको दोस्रो लहर सूरुभएपछि अवस्था पुरानै लयमा फर्किएको उनिहरु बताउँछन् । ‘साँझ बिहान छाक टार्न पनि मुस्किल परिरहेका बेला लकडाउन हुँदा हामी गरिबको पेटमा लात हानेजस्तै भएको छ’, गिट्टी कुट्दै विकले भनिन् ।

कोरोना भाइरस (कोभिड १९) को दोस्रो लहर सूरु भएसँगै कैलाली कञ्चनपुरमा लकडाउन अर्थात निषेधाज्ञा आदेश जारी गरिएको छ । यता निषेधाज्ञाको प्रभाव गरिब तथा मजदुर वर्गमा परेको छ । दिनभरी मजदुरी गरेर हातमुख जोड्ने परिवारहरुको अहिले विचल्ली भएको छ तर उनिहरुको यो दुःख प्रति स्थानिय तह र जनप्रतिनिधिको ध्यान भने गएको देखिदैन ।