• अर्थ सरोकार सम्बाददाता 

ललितपुर । ललितपुरको गोदावरी नगरपालिकाले एसएलसीको योग्यता भएका कर्मचारीलाई अधिकृतमा बढुवा गरेको पाइएको छ । नगरपालिकाले एसएलसीको योग्यता रहेका सुरेश कार्कीलाई अधिकृत छैटौँ तह अर्थात अधिकृतमा बढेको गरेको हो । राष्ट्रिय सतर्कता केन्द्रको छानबिनबाट उक्त उक्त विषय पत्ता लागेको हो । 

आठ वर्षअघि खरिदारसरहको पदबाट गोदावरी नगरपालिकाको सेवामा प्रवेश गरेका उनलाई नगपालिकाले कर्मचारी व्यवस्थापन (सेवा सर्तसम्बन्धी ऐन, २०७६ जारी गरी उनलाई शैक्षिक योग्यताभन्दा दुई तह माथिल्लो (अधिकृत छैटौँ)पदमा बढुवा गरेको हो ।

शैक्षिक योग्यताभन्दा एक तह माथि बढुवा हुन सक्ने निजामती ऐनको व्यवस्थाअनुसार उनी यसअघि नै नायब सुब्बासरह सबइन्जिनियरमा बढुवा भएका थिए । यता  राष्ट्रिय सतर्कता केन्द्रले पनि सो नियुक्तिलाई गैरकानुनी भनेको छ । गोदावरीका मेयर गजेन्द्र महर्जनउनको बढुवा नभई स्तरोन्नति मात्र भएको बताउँछन् । यसो त सो नगरपालिकाको ऐन नै गैरकानुनी रहेको बताइन्छ।