• अर्थ सरोकार सम्बाददाता

काठमाडौं । साताको कारोबारको अन्तिम दिन शुक्रबार पनि सुनको मूल्य बढेको छ । बिहिबार प्रतितोला ९० हजार ६ रुपैयाँमा कारोबार भईरहेको छापावाला सुनको मूल्य आज १ हजार १ सय रुपैंयाँले बढेर प्रतितोला ९१ हजार ७ रुपैयाँमा कारोबार भईरहेको छ ।

यता चाँदीको मूल्य पनि  ३५ रुपैंयाँले बढेर प्रतितोला १ हजार ३ सय ५० रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज प्रति १० ग्राम सुनको मूल्य ७८ हजार ६२० रुपैयाँ तोकेको छ भने प्रति १० ग्राम चाँदीको मूल्य १ हजार १५७ रुपैयाँ ५० पैसा कायम गरेको छ । सुनचाँदीको मूल्य ह्वात्तै बढेपछि र निषेधाज्ञा जारी भएपछि उपत्यकामा कारोबार ठप्पप्राय छ  ।