×

Live on

रेडियो अर्थ सरोकार

Listen to live radio.

laxmi sunrise bank

अफगान तालिबानमाथि कडा कदम चाल्न पाकिस्तानको चेतावनी

इस्लामावाद । पाकिस्तानले अफगान तालिबानलाई शान्ति प्रक्रियामा फर्काउनका लागि नयाँ पहल थालेको छ । पाकिस्तानले अफगान तालिबान अहिले शान्ति प्रक्रियामा नफर्किएको अवस्थामा तालिबानमाथि कडा कदम चाल्ने चेतावनीसमेत दिएको छ । एक वरिष्ठ पाकिस्तानी अधिकारीले दोहामा अफगान तालिबानका नेतासँगको कुराकानीमा इस्तानबुल कन्फरेन्समा आफूहरु सहभागी नहुने स्पष्ट पारेका थिए ।
अफगानी तालिबान पूर्णरुपमा शान्ति प्रक्रियामा नफर्किएसम्म तालिबानका हरेक गतिविधिहरुको विरोध गर्नेसमेत जनाइएको छ । पाकिस्तानले तालिबानलाई यदि कुनै लचकता नदेखाएको अवस्थामा उनीहरुले ठूलो क्षति व्यहोर्नुपर्नेसमेत चेतावनी दिइएको छ । संयुक्त राज्य अमेरिकाले टर्कीको इस्तानबुलमा आयोजना गर्न लागेको अफगान शान्ति सम्मेलनमा टर्की, कतार र संयुक्त राष्ट्रसंघको सहभागिता रहने बताइएको थियो ।
तर उक्त सम्मेलनमा तालिबानी नेताहरुको अनुपस्थितिका कारण उक्त सम्मेलन स्थगितसमेत गरिएको थियो । यसलाई अफगान शान्ति प्रक्रियाको द्रुत मार्ग भनिएको थियो तर, वाशिंगटनको नयाँ प्रशासनले अफगानिस्तानबाट आफ्नो सेना फिर्ता गर्ने समयावधि छ महिनाका लागि बढाएपछि तालिबानी समूह आक्रोशित बनेको हो । राष्ट्रपति जो बाइडेनले मे १ देखि सेप्टेम्बर ११ सम्म आफ्ना सबै सेनाहरुलाई पूर्णरुपमा फिर्ता गरिसक्ने बताएका छन् ।
तालिबान समूहले भने राष्ट्रपति बाइडेनको उक्त घोषणालाई अस्वीकार गरेका छन् भने यसअघि भएको बृहत् शान्ति सम्झौतालाई उल्लंघन गरेको आरोप लगाएका छन् । यसअघि पाकिस्तान, टर्की र अफगानिस्ताका विदेशमन्त्रीहरुबीच इस्तानबुलमा भेटवार्ता भएको थियो । उक्त भेटमा पाकिस्तानी विदेशमन्त्रीले तालिबानलाई सम्झौतामार्फत नै शान्ति प्रक्रियामा ल्याउन सकेको अवस्थामा अफगानिस्तानमा दिगो शान्ति हुने बताएका थिएा ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: