• अर्थ सरोकार सम्बाददाता 

कैलाली । कैलाली जिल्लामा कोरोना संक्रमण नियन्त्रण बाहिर गएपछि बैंक तथा वित्तीय संस्थाका सबै सम्पूर्ण सेवा बन्द गरिने भएको छ । जिल्ला संकट व्यवस्थापन केन्द्र (डीसीसीएमसी) कैलालीले सरकारी कारोबारबाहेक बैंक तथा वित्तीय संस्थाको सबै सेवा बन्द गर्ने निर्णय गरेको हो । 

यद्यपि बैंक तथा वित्तीय संस्थाहरुका एटीएम तथा विद्युतीय प्रणालीबाट प्रवाह हुने सेवा भने सुचारु नै हुनेछन् । प्रशासन कार्यालय कैलालीका सूचना अधिकारी शिवराज जोशीले नेपाल सरकारका कर्मचारी, बैंक तथा वित्तीय संस्था र अन्य अत्यावश्यक सेवाका कर्मचारीहरुले कार्यालयले जारी गरेको परिचय–पत्रको आधारमा आवतजावत गर्न सक्ने बताए । कैलालीमा जारी निषेधाज्ञा जेठ ६ गतेसम्मको लागि लम्ब्याइएको छ ।