• अर्थ सरोकार सम्बाददाता 

काठमाडौँ । नेको इन्स्योरेन्स कम्पनीले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले खुद नाफा ४५.५७% ले बढाएर ३५ करोड ९ लाख २२ हजार रुपैयाँ कमाएको वित्तीय विवरण सार्वजनिक गरेको हो ।  

यता बिमा कोष र खुद बिमा शुल्क पनि बढेको छ । कम्पनीका अनुसार खुद बिमा शुल्क ४६.४५% ले बढेको छ भने बिमा कोषको अकार पनि ३८.३५% ले बढेर १ अर्ब ७१ लाख ५५ हजार रुपैयाँ पुगेको छ । यस्तै प्रतिसेयर आम्दानी ११ रुपैयाँ १२ पैसाले बढेर वार्षिक ३५ रुपैयाँ ५२ पैसा पुगेको छ । प्रतिसेयर नेटवर्थ २३५ रुपैयाँ ५९ पैसा छ ।