भारतीय वायु सेनाले उडायो हालसम्मकै सबैभन्दा लामो उडान, विभिन्न मुलुकहरुबाट स्वास्थ्य सामग्री ल्याउँदै

GARIMA BANK
नयाँ दिल्ली । कोरोना महामारीको दोस्रो लहरबाट आक्रान्त बनेको भारतमा विश्वका विभिन्न मुलुकहरुले स्वास्थ्य सामग्रीहरु उपलब्ध गराइरहेका छन् । पहिलो लहरका क्रममा विश्वभरका विभिन्न मुलुकहरुलाई स्वास्थ्य सामग्री, औषधि र कोरोनाविरुद्धको खोप उपलब्ध गराएको भारत हाल आफैं दोस्रो लहरको चपेटामा परेको छ । यस्तो अवस्थामा भारतीय वायुसेनाले आफ्नो विमानमार्फत हालसम्मको लामो ५०० घण्टाका उडान गर्दै विश्वका विभिन्न मुलुकहरुबाट स्वास्थ्य सामग्रीहरु ल्याइरहेको छ । भारतीय वायुसेनाको विमानले कोरोना संकटविरुद्ध लड्नका लागि सिंगापुर, दुबइ, बैंकक, फ्रयांकफर्ट बेलायतलगायतका मुलुकहरुमा उडान गरेर स्वास्थ्य साम्रगीहरु तथा अक्सिजन कन्टेनरहरु ल्याइरहेको छ ।
मे ४ सम्मा भारत सरकारले ४९०० सिलिन्डर अक्सिजन बेलायतबाट ल्याएको थियो । भारतीय वायु सेनाले यसलाई हालसम्मकै सबैभन्दा लामो उडान भएको बताएका छन् । भारतीय वायुसेनाको सी१७ ग्लोबमास्टर ३ ले ३५ घण्टा लामो उडान गर्दै ३७ टन सिलिन्डर ल्याएर ब्रिज नोर्टनबाट चेन्नई अवतरण गरेको हो । यससँगै भारतीय वायुसेनाले देशभर अक्सिजन पुर्याउनका लागि ३६० घण्टा उडान गरेकोसमेत जनाएको छ । उक्त विमानमार्फत खाली सिलिन्डरहरु, अक्सिजन प्लान्टका उपकरणहरु, अत्यावश्यक ओषधि तथा अस्पतालका उपकरणहरु विभिन्न राज्यहरुमा पुर्याउने काम समेत भारतीय सेनाले गरिरहेको छ ।
यससँगै भारतीय वायुसेनाको र्यापिड एक्सन मेडिकल टिम र भारतीय नौसेनाका मेडिकल अफिसरहरुलाई पनि देशभरका विभिन्न राज्यहरुमा पुर्याउने काम गरेको छ । भारतीय वायुसेनाले आठवटा सी१७, चार आइएल७६, १० वटा सी१३० र २० वटा एन३२ विमानहरुलाई परिचालन गरेको छ । यससँगै एमआइ१७भी५ र चिनोक हेलिकोप्टरलाई समेत ३६० घण्टा नै उडानका लागि तयारी अवस्थामा राखेको छ । त्यसैगरि भारतीय नौसेनाले सामग्री आयातका लागि सातवटा पानीजहाजलाई पनि विभिन्न मुलुकमा पठाइएको जनाइएको छ । विभिन्न मुलुकहरुबाट अक्सिजन ल्याउने काम भइरहेको छ ।
Jagadamba
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal