- अर्थ सरोकार सम्बाददाता
काठमाडौं । एनआईसी एशिया बैंक लिमिटेडले निक्षेप संकलनमा नयाँ रेकर्ड बनाएको छ । बैंकले वैशाख मसान्तसम्ममा ३ खर्ब ४ अर्ब रुपैयाँ निक्षेप संकलन गरेर नयाँ रेकर्ड बनाएको हो । बैंकले एक महिनामा मात्रै ९ अर्बले निक्षेप बढाएर अन्य बैंक भन्दा अगाडी आएको हो । बैंकका अनुसार चालु आर्थिक वर्षको १० महिनामा ९३ अर्ब ५१ करोड रुपैयाँ निक्षेप संकलन भएको छ । यद्यपि एनआईसीले १० महिनामा बढाएको निक्षेप अन्य बैंकले हालसम्म पनि पुर्याउन सकेका छैनन् ।
यता कर्जा लगानीमा पनि यो बैंक अरु भन्दा आक्रामक देखिएको छ । बैंकले २ खर्ब ६६ अर्ब रुपैयाँ कर्जा दिएको छ । चालु आर्थिक वर्षको १० महिनामा ९३ अर्ब रुपैयाँले कर्जा बढाएको छ । यसो त वैशाख मसान्तसम्ममा वाणिज्य बैंकहरुको ३६ खर्ब १० अर्ब रुपैयाँ निक्षेप संकलन गरेका छन् भने १० महिनामा मात्रै ४ खर्ब ५४ अर्ब रुपैयाँ निक्षेप बढाएका हुन् । यस्तै वैशाख मसान्तसम्ममा बैंकहरुले ३६ खर्ब १० अर्ब रुपैंयाँ कर्जा लगानी गरेका छन् भने पछिल्लो १० महिनामा मात्रै ६ खर्ब ६८ अर्ब रुपैयाँले कर्जा बढेको छ ।
