- अर्थ सरोकार सम्बाददाता
काठमाडौं । एनएलजी इन्स्योरेन्स कम्पनीले चालु आर्थिक वर्षको तेस्रो त्रैमासमा २१ करोड २८ लाख ३ हजार रुपैयाँ कमाएको वित्तीय विवरण सार्वजनिक गरेको छ । यस अवधिमा कम्पनीले ३५.२२% ले खुद नाफा वृद्धि गरि २१ करोड २८ लाख ३ हजार रुपैयाँ कमाएको वित्तीय विवरण सार्वजनिक गरेको हो । कम्पनीले गत वर्षको यसै अवधिमा १५ करोड ७३ लाख ७४ हजार रुपैयाँ मात्र खुद नाफा गरेको थियो ।
सार्वजनिक भएको वित्तीय विवरण अनुसार कम्पनीको प्रतिसेयर आम्दानी ६ रुपैयाँ ८९ पैसाले घटेर २५ रुपैयाँ ८८ पैसामा कायम भएको छ भने प्रतिसेयर नेटवर्थ पनि ५५ रुपैयाँ ३३ पैसाले घटेर २३३ रुपैयाँ ७८ पैसामा सीमित भएको छ ।
यता कम्पनीले रिजर्भ कोषमा पनि ५२.६३% वृद्धि गरी ४२ करोड २८ लाख ५७ हजार रुपैयाँ जम्मा गरेको छ । बिमा कोषमा पनि १५.१३% ले सुधार हुँदै १ अर्ब २७ लाख १२ हजार रुपैयाँ पुगेको छ । खुद बिमा शुल्क ३६.२५% र चुक्ता पूँजी ७१.२०% ले बढेको छ ।
