सार्वजनिक वित्तिय विवरण अनुसार टेलिकमको सेवा व्यापारबाट गर्ने आम्दानी बढेर २७ अर्ब ४५ करोड रुपैयाँ पुगेको छ । टेलिकमको अन्य श्रोतबाट हुने आम्दानी भने ५ अर्ब ४३ करोड रुपैयाँबाट घटेर ४ अर्ब २२ करोड रुपैयाँमा सीमित भएको छ । यस्तै  टेलिकमको चुक्ता पुँजी १५ अर्ब रुपैयाँ रहेको टेलिकमको रिजर्भ कोष भने झन् बलियो बन्दै गएको छ । 

चैत मसान्तसम्म टेलिकमको रिजर्भ कोषमा ८२ अर्ब ९६ करोड रुपैयाँ जम्मा छ भने प्रतिसेयर आम्दानी घटेको छ । गत वर्ष ६७ रुपैयाँ २५ पैसा रहेको यसको प्रतिसेयर आम्दानी घटेर ५२ रुपैयाँ ३१ पैसा (वार्षिक) मा सीमित भएको छ । यसको प्रतिसेयर नेटवर्थ ६५३ रुपैयाँ १० पैसा छ ।