क्वालालम्पुर । जुवा सिन्डिकेटका संलग्न भएका पक्राउ परेकामध्ये चार जना चिनियाँ नागरिक भएको खुलेको छ । जालान तुन रजाकमा चार कन्डोमिनियम इकाईमा छापा मारेपछि जुवा सिन्डिकेटमा संलग्न भएको आरोपमा आठ जना पक्राउ परेका हुन् । पक्राउ परेकामध्ये छ जना महिला रहेको र दुई जना पुरुष रहेको खुलेको छ ।
क्वालालम्पुर सीआईडीका प्रमुख वरिष्ठ कमल सैफुल अनुवार युसुफले २१ देखि ३१ वर्षबीचका संदिग्धहरुलाई सोमबार पक्राउ परेको जानकारी दिएका छ्न । चारजना स्थानीय रहेको र अन्य दुई महिला र दुई पुरुष चीनबाट आएको बताएका छन् । उनले १७ वटा ल्यापटप, पाँच मोनिटर, सात सीपीयू, तीन कीबोर्ड र ५५ वटा मोबाइल फोन बरामद गरेकोसमेत सीआईडी प्रमुखले जानकारी दिएका छन् ।
यससँगै एटीएम कार्ड, मोडेम र नगदसमेत बराम गरिएको छ । उनीहरुको साथबाट बरामद गरिएको रकम गणना गर्न बाँकी रहेको बताइएको छ । जफत गरिएका सबै वस्तुहरू लगभग तीन लाख आरएमभन्दा बढी रहेको छ । एसएसी सैफुल अनुवारले प्रारम्भिक अनुसन्धानले सिन्डिकेटले अवैध अनलाइन जुवा र लगानी बढावा दिने काममा संलग्न रहेको पाइएको बताएका छन् । उनीहरु बसेको स्थान एक कल सेन्टरको रुपमा प्रयोग गरिएको र उक्त घरको भाडा मासिक १० हजार तिर्ने गरेको पाइएको छ ।
प्रत्येक श्रमिकलाई एक महिना तीन हजारदेखि तीन हजार पाँच सय सम्म दिने गरिएको छ । हामी पनि विश्वास गर्छौं कि सिंडिकेटले तीन्न लाखभन्दा बढी मासिक रूपमा नाफा कमाउने गरेको पाइन्छ । उनले जनतालाई गैरकानुनी रूपमा जूवा खेल्ने गतिविधिमा भाग नलिन पनि सम्झाएका छन् । उनले पक्राउ परेकाहरुलाई थप अनुसन्धान भइरहेको र कडा कारबाही गरिने बताइएको छ ।
