• अर्थ सरोकार सम्बाददाता

मनाङ । मनाङ जिल्लामा बाढी पहिरो आउँदा सयौं घर डुबानमा परेसंगै दुई बैंकका शाखा कार्यालय बगाएपछि सम्पर्कविहीन भएका बैंकर सम्पर्कमा आएका छन् । मनाङको नासों गाउँपालिका–३ धारापानीमा मर्स्याङ्दी नदीमा पानीको वाहव बढ्दा प्राइम कमर्सियल बैंक र प्रभु बैंकको शाखा कार्यालय बगाएको थियो भने एक बैंकर सम्पर्कविहीन भएका थिए । उनी अहिले सम्पर्कमा आइसकेको र अन्य बैंकरहरु पनि सुरक्षित रहेको प्रहरीको भनाइ छ ।

जिल्ला प्रहरी कार्यालय मनाङका प्रहरी अधिकारीका अनुसार दुई बैंकका शाखा रहेको घर बगाउँदा सम्पर्कविहीन भएका बैंकका कर्मचारी अहिले सुरक्षित छन् । सम्बन्धित बैंकको केन्द्रीय कार्यालयसँग पनि नीज बैंकर सम्पर्कमै रहेको बताइएको छ ।

यद्यपी बैंकमा रहेका सबैजसो समान भने बाढीले बगाएको छ । २ बैंकका शाखा बाढीले बगाउँदा लाखौँको क्षति त भएको छ ।