चीन । चीनमो लामो समयदेखि नदेखिएको कोरोना भाइरसको संक्रमण फेरि देखिन थालेको छ । चीनमा गत सातादेखि कोरोना भाइरसको संक्रमण देखिन थालेको हो । चीनमा कोरोना भाइरसको संक्रमण देखिन थालेपछि प्रतिबन्धात्मक व्यवस्था गर्न थालिएको छ । मानिसहरुलाई सहर नछोड्न चेतावनीसमेत दिन थालिएको छ । कोरोनाको कारण फेरि लकडाउनको अवस्था आउन नदिनका लागि अहिले नै सुरक्षाका मापदण्ड अपनाउन र मानिसहरुको आवतजावतमा नियन्त्रण गर्न थालिएको हो ।

चीनको गान्जाउ प्रान्तमा कोरोना भाइरस संक्रमितहरु फेला परेका हुन् । यस कारण विश्वको सबैभन्दा व्यस्त बन्दरगाह हाल बन्द गरिएको छ । जसका कारण सामन आपूर्तिका ढिलाइ हुनेसमेत जनाइएको छ । कोरोना यिनन्त्रणका लागि बन्दरगाह बन्द गर्नुपरेको चिनियाँ अधिकारीहरुले जनाएका छन् । बन्रगाहका अधिकारीका अनुसार यान्तियन पोर्टमा सुरुमा पनि रिर्जभ गराउनुपर्ने बताइएको छ । यसरी आपूर्तिमा ढिलाइ हुँदा सामनको मूल्य वृद्धि हुने भएको छ ।

सन् २०१९ को डिसेम्बरमा चीनको वुहानबाट सुरु भएको कोरोना महामारी डेढ वर्ष बितिसक्दा पनि नियन्त्रणमा आउन सकेको छैन । कोरोना महामारीले स्वरुप परिवर्तन गर्दै नयाँ नयाँ भेरियन्टको रुपमा फैलिरहेको छ । विश्वभर कोरोना महामारीकै कारण लाखौं मानिसहरुको मृत्यु भइसकेको छ भने करोडौं मानिसहरु संक्रमित भइसकेका छन् ।