- अर्थ सरोकार सम्बाददाता
काठमाडौं । एक्सेल डेभलपमेन्ट बैंकले नेपाल धितोपत्र बोर्डसँग हकप्रद सेयर बिक्री गर्ने अनुमति माग गरेको छ । बैंकले १०ः३ अनुपातमा २४ लाख ३३ हजार ३६३.६७ कित्ता हकप्रद सेयर बिक्री गर्न बोर्डसँग अनुमति मागेको हो । हकप्रद सेयर बिक्री प्रवन्धकमा एनआइबीएल एस क्यापिटल रहेको छ ।
बैंकले चुक्ता पूँजी बढाउन ३०% हकप्रद ल्याउन लागेको हो । हाल यस बैंकको चुक्ता पुँजी ८१ करोड ११ लाख रुपैयाँ रहेको छ । बैंकले सोहि पूँजीबाट हकप्रद निष्कासन गर्न लागेको हो । हकप्रद निष्कासनपछि बैंकको पूँजी १ अर्ब ५ करोड पुग्नेछ ।
