नयाँ दिल्ली । सन् २०२१ मा एस एन्ड पी को विश्वव्यापी रेटिंगले भारतको कुल गार्हस्थ उत्पादन ११ प्रतिशत हुने प्रक्षेपण गर्यो । यस आर्थिक वर्षमा सामान्यतया हेर्दा मुलुकको कुल गार्हस्थ उत्पादन ११ प्रतिशतले वृद्धि हुने देखिएको थियो । गत महिना सामग्री तथा सेवा करको ब्यारोमिटर हेर्दा १.४१ ट्रिलियन भारतीय रुपैयाँ पुगेको थियो । यो राजस्वा हालसम्मकै उच्च भएको बताइएको छ । पछिल्लो सात महिनामा एक ट्रिलियन राजस्व संकलन हुन सकेको थिएन ।

गत महिनाको राजस्व संकलन गत वर्षको यही अवधिको भन्दा पनि बढी भएको जनाइएको छ । भारतको अन्तर्राष्ट्रिय व्यापार मार्चमा ३४ बिलियन अमेरिकी डलर पुगेको छ । यो हालसम्मकै सबैभन्दा बढी हो । अप्रिलमा ३० बिलियन अमेरिकी डलरभन्दा बढी नै थियो । धेरै छोटो अवधिमा आर्थिक गतिविधिहरु अटो बिक्री, बिजुली उपभोग, राजस्व संकलनलाई हेर्दा सन् २०२० को भन्दा यस वर्ष आर्थिक पुनर्रुत्थान निकै राम्रो हुने जनाइएको छ । तर कोरोना महामारीको दोस्रो लहर सुरु भएपछि आर्थिक गतिविधिहरु प्रभावित भएका छन् ।

भारतमा अप्रिल १ मा ८१ हजार कोरोना संक्रमित फेला परेका थिए भने अप्रिल ३० मा ४ लाख २ हजारभन्दा बढी कोरोना संक्रमित फेला परेका थिए । कोरोना संक्रमण निकै तीव्ररुपमा वृद्धि भएपछि भारतको स्वास्थ्य प्रणाली नै अप्ठ्यारो परेको थियो । कारोना संक्रमणको अवस्था बढ्दै जाँदा सरकारले पनि प्रतिबन्धात्मक नियमहरु बढाउँदै लग्यो भने आर्थिक गतिविधिहरु प्रभावित हुँदै गए । तर, पनि सरकारले मापदण्डको पालना गर्दै सडकदेखि अन्य निमार्ण कार्यहरु र अन्य आर्थिक गतिविधिहरुलाई सुचारु गर्ने प्रयास गरिरहेको छ ।