• अर्थ सरोकार सम्बाददाता 

काठमाडौं । इमर्जिङ नेपाल लिमिटेडले ५ लाख ५५ हजार ६०० कित्ता आइपीओ निष्कासन गर्ने भएको छ । कम्पनीको आइपीओलाई रेटिङ एजेन्सी इक्रा नेपालले ‘इक्राएनपी इस्यूअर रेटिङ डबल बी प्लस’ रेटिङ दिएको छ । जसले मध्यम जोखिम जनाउने रेटिङ जनाउँछ । 

कम्पनीले प्रतिकित्ता १०० रुपैयाँको दरमा आइपीओ जारी गर्न एनआइसी एसिया क्यापिटललाई बिक्री प्रबन्धकको रुपमा पनि नियुक्त गरिसकेको छ । इमर्जिङले आइपीओ निष्कासन गर्न यसअघि धितोपत्र बोर्डसँग अनुमति मागेको थियो । तर लामो समयसम्म आवश्यक कागजपत्रहरु उपलब्ध नगराएपछि बोर्डले आवेदन रद्द गरेको थियो ।

अब इमर्जिङले आवश्यक कागज पुर्याएर पुनः आइपीओ जारी गर्ने अनुमति माग्नुपर्ने हुन्छ । बोर्डबाट अनुमति पाएपछि मात्र आइपीओ निष्कासन प्रक्रिया अघि बढ्नेछ ।