- अर्थ सरोकार सम्बाददाता
काठमाडौं । काठमाडौं महानगरपालिका ३ बसुन्धारास्थित जानकी सिलाई उद्योगमा आगलागी भएको छ । बुढानिलकण्ठ नगरपालिका १० बालुवाखानी घर भएका ४३ वर्षीय चन्द्र कटुवालको उक्त उद्योगमा करेन्ट सर्ट भई सोमबार राति आगलागी हुँदा उद्योग रहेको टहरो, ३० थान कपडा सिलाउने मेशिन, १ थान जेनेरेटर, ३ थान ग्याँस सिलिन्डर र स्टक कपडा समेत जलेर करिब १ करोड ५० लाख रुपैयाँ बराबरको धनमाल नष्ट भएको छ ।
आगलागीको खबर प्राप्त हुनासाथ महानगरीय प्रहरी वृत्त महाराजगंजबाट खटिएको प्रहरीले दमकल र स्थानीयको सहयोगमा आगो नियन्त्रणमा लिएको थियो । यस सम्बन्धमा थप अनुसन्धान भइरहेको छ ।
