- अर्थ सरोकार सम्बाददाता
काठमाडौँ । नबिल बैंक लिमिटेडले ३ अर्ब रुपैयाँको ३० लाख इकाई ऋणपत्र बिक्री गर्ने भएको छ । बैंकले प्रतिइकाई १ हजार रुपैयाँ दरमा उक्त ऋणपत्र बिक्री गर्न नेपाल धितोपत्र बोर्डबाट अनुमति पाएको हो ।
बैंकले १२ लाख इकाई सर्वसाधारणका लागि खुला गर्ने भने बाँकी १८ लाख इकाई भने आफ्नै पहलमा अन्य संघसंस्थालाई बिक्री गर्नेछ । यस ऋणपत्रमा बैंकले वार्षिक ८% ब्याजदर दिने जनाएको छ ।
बैंकले ७ वर्ष अवधिको ‘८% नबिल बैंक डिबेन्चर २०८५’ नाममा ऋणपत्र जारी गर्न लागेको हो । यसमा बिक्री प्रबन्धकको काम हिमालयन क्यापिटलले गर्नेछ ।
