- अर्थ सरोकार सम्बाददाता
काठमाडौं । नेपाल इन्स्योरेन्स कम्पनीको स्वामित्वमा रहेको सेयरमा आज सोमबारसहित आवेदन दिने तीन दिन बाँकी रहेको छ । कम्पनीले एनसीसी बैंकको ९ लाख कित्ता संस्थापक सेयर आज सोमबारसहित आवेदन दिने तीन दिन बाँकी रहेको हो । यसमा न्यूनतम १४० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ ।
विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले सो सेयर किन्न दिन सक्नेछन् । यसमा असार १६ गतेभित्र बिक्री प्रबन्धक एनआइबीएल एस क्यापिटल लाजिम्पाट, काठमाडौँमा पुग्नेगरी आवेदन दिनुपर्नेछ भने कम्पनीले न्यूनतम १ हजार कित्तादेखि अधिकतम सबै कित्ताका लागि आवेदन सकिनेछ ।
