- अर्थ सरोकार सम्बाददाता
काठमाडौं । नेको इन्स्योरेन्सको वार्षिक साधारणसभा असार ३१ गते हुने भएको छ । सभा कम्पनीको भवन ज्ञानेश्वरमा बिहान ११ बजे भर्चुअल माध्यमबाट हुने भएको हो ।
कम्पनीले सभामा १५.५% बोनस सेयर र कर तिर्न ०.८२% नगद लाभांश वितरण गर्ने प्रस्ताव पेश गर्ने भएको छ । प्रस्तावित बोनस सेयर वितरणपछि कम्पनीको पूँजी १ अर्ब ५२ करोड १६ लाख रुपैयाँ पुग्नेछ ।
यस्तै सभामा आर्थिक वर्ष २०७६/७७ को वार्षिक प्रतिवेदन, नाफा-नोक्सान हिसाब तथा नगद प्रवाह विवरणमा छलफल गरी पारित गर्ने एजेन्डा पनि छ । सभा प्रयोजनका लागि असार १८ गतेदेखि सभा हुने दिनसम्म बुक क्लोज हुनेछ ।
