- अर्थ सरोकार सम्बाददाता
काठमाडौं । नेपाल स्टक एक्सचेन्जमा १५ अर्ब रुपैयाँ बराबरको विकास ऋणपत्र सूचीकृत भएको छ । नेप्सेमा असार २ गते बुधबार उक्त रकम बराबरको विकास ऋणपत्र सूचीकृत भएको हो । नेपाल सरकारको तर्फबाट नेपाल राष्ट्र बैंकले जारी गरेको ४.७९ प्रतिशत विकास ऋणपत्र २०८३ ‘घ’ सोमबार धितोपत्र सूचीकरण विनियमावली २०७५, को विनियम ८ बमोजिम नेप्सेमा सूचीकृत भएको हो ।
दीर्घकालीन आन्तरिक ऋण उठाउने प्रयोजनका लागि नेपाल राष्ट्र बैंकले ५ वर्ष अवधिको उक्त विकास ऋणपत्र जेठ १३ गते निष्कासन गरेको थियो । उक्त विकास ऋणपत्र २०८३ जेठ १३ गते परिपक्क हुनेछ भने सोही समय साँवा तथा अन्तिम किस्ता वापतिको ब्याज भुक्तानी पाईनेछ ।
