नयाँ दिल्ली । भारत सरकारले कोभिड-१९ बिरुद्धको १६ करोड डोज खोप अर्डर गरेको छ । कोरोना भाइरसको दोस्रो लहरको जारी रहेको बेला भारत सरकारले खोपमा जोड दिँदै थप १६ करोड डोज खोपहरु अर्डर गरेको बताएको छ । मे एक बाट खोप अभियान बृहत बनाएको भारत सरकारले थप अर्डर गरेका खोपहरु तीन महिना सम्म आपुर्ति हुने बताएको छ ।

भारत सरकाले सिरम इन्स्टीच्युट अफ ईन्डीयाद्धारा उत्पादीत कोभिसिल्ड खोप ११ करोड डोज र भारत बायोटेकद्धारा उत्पादीत कोभाक्सिन खोपको पाँच करोड डोज अर्डर गरेको बताएको छ । भारत सरकारले यसअघि अर्डर गरेको खोपहरुमध्ये कोभिशिल्डको एक करोड छब्बीस लाख डोज तथा कोभाक्सिनको एक करोड बाह्र लाख डोज खोपहरु आपुर्ति हुन बाँकी नै छ । सरकारले खोप अभियानलाई प्राथमिकता नदिएको भन्ने समचारहरु आईरहेको बेला एकै पटक १६ करोड डोज खोप अर्डर गरेको हो ।