• अर्थ सरोकार सम्बाददाता 

काठमाडौं । एनआइसी एसिया बैंकले आफ्नो स्वामित्वमा रहेको ४० हजार ६९६ कित्ता संस्थापक सेयर आजदेखि बिक्रीमा ल्याएको छ । बैंकले नेशनल लाइफ इन्स्योरेन्सको न्यूनतम मूल्य प्रतिकित्ता ४४४ रुपैयाँमा ४० हजार ६९६ कित्ता संस्थापक सेयर बिक्रीमा ल्याएको हो । 

लगानीकर्ताले असार ११ गतेसम्म बोलपत्र पेस गर्न सक्नेछन् भने लिलामीको बोलपत्र बिक्री प्रबन्धक एनआइसी एसिया क्यापिटल, बबरमहल काठमाडौंमा बुझाउन सकिनेछ । यता एनआइसी एसिया बैंकको कर्पोरेट कार्यालय थापाथली काठमाडौं तथा विराटनगर, वीरगंज, बुटवल, पोखरा, धनगढी र सुर्खेत शाखाबाट पनि आवेदन दिन सकिनेछ ।