- अर्थ सरोकार सम्बाददाता
काठमाडौं । एनआईसी एशिया बैंकले ३ अर्ब रुपैयाँ बराबरको ३० लाख कित्ता ऋणपत्र निष्काशन गर्न अनुमति पाएको छ । बैंकलाई नेपाल धितोपत्र बोर्डले ८.५% ब्याजदरमा ३ अर्ब रुपैयाँ बराबरको ३० लाख कित्ता ऋणपत्र निष्काशन गर्न अनुमति दिएको हो ।
बैंकले १ अर्ब ८० करोड रुपैयाँ बराबरको ऋणपत्र आफ्नै पहलमा व्यक्ति तथा संघ संस्थाहरुलाई बिक्री गर्नेछ भने १ अर्ब २० करोड रुपैयाँ बराबरको ऋणपत्र सर्वसाधारणमा बिक्री गर्नेछ । सर्वसाधारणका लागि छुट्याएको मध्येबाट पनि कम्पनीले ५% सामूहिक लगानी कोषको लागि सुरक्षित गरी बाँकी सार्वजनिक निष्काशनमा ल्याउने भएको छ ।
बैंकको ऋणपत्र निष्काशन तथा विक्री प्रबन्धकमा सनराइज क्यापिटल रहेको छ ।
