- अर्थ सरोकार सम्बाददाता
काठमाडौं । सगरमाथा इन्स्योरेन्स कम्पनी लिमिटेडले आफ्नो वार्षिक साधारणसभा असार ३० गते गर्ने भएको छ । सभा कम्पनीको प्रधान कार्यालय नक्सालमा बिहान ११ बजेदेखि हुने भएको हो ।
कम्पनीले सभामा ११% बोनस सेयर र कर तिर्न ०.५७८९% नगद लाभांश वितरण गर्ने प्रस्ताव पेश गर्ने भएको छ । यस्तै आर्थिक वर्ष २०७६/७७ को वार्षिक प्रतिवेदन, नाफानोक्सान हिसाब तथा नगद प्रवाह विवरणमा छलफल गरी पारित गर्ने एजेन्डा पनि छ ।
प्रस्तावित बोनस सेयर वितरणपछि पुँजी १ अर्ब ११ करोड १३ लाख ५७ हजार ४१९ रुपैयाँ पुग्नेछ । सभाका लागि कम्पनीको असार १७ गतेदेखि बुक क्लोज हुनेछ ।
