NABIL AD
Share Talim AD
Civil Bank

चीनको प्रजनन दरमा गिरावट, ६१.७ प्रतिशतले आर्थिक समस्या

GARIMA BANK AD
बेइजिङ । सन् २०२० को जनगणना अनुसार चीनमा प्रजनन दरमा गिरावट आएको छ । चिनको नयाँ दम्तपत्तिहरु बच्चा जन्माउन पनि अनिच्छुक भएको एक तथ्यांकले जनाएको छ । सार्वजनिक स्वास्थ्य सेवाको सहज पहुँचको अभाव, बढ्दो महँगी, बेरोजगारीलगायतका समस्याका कारण बच्चा जन्माउन अनिच्छुक रहेको तथ्यांकले देखाएको छ ।
मार्चमा गरिएको एउटा सर्भेका अनुसार एक हजार ९३८ जनामा गरिएको अध्ययन अनुसार ६७.३ प्रतिशत युवा जोडीहरुले दोस्रो सन्तान नजन्माउने निर्णय गरेको पाइएको छ । जसमध्ये ६१.७ प्रतिशतले आर्थिक समस्याका कारण दोस्रो बच्चा नजन्माउने निर्णय गरेका हुन् ।
त्यसैगरि ५४ प्रतिशतले स्वास्थ्य सेवा र हेरचाहको समस्याका कारण बच्चा नजन्माउने निर्णय गरेको अध्ययनले देखाएको छ । ४१.६ प्रतिशतले आवास र २४.३ प्रतिशतले रोजगारीका अवसर नहुँदा दोस्रो बच्चा जन्माउन अस्वीकार गरेका हुन् ।
चीनको गुवाञ्‍जाउका मानव संसाधन प्रबन्धक गेट्टी हेले भनिन्, ‘हामी जस्तो मजदुर वर्ग परिवारका लागि सामान्य रूपमा ६ हजार युआनभन्दा बढी मासिक खर्च हुन्छ । अनि घरको भाडा पनि महँगो छ । करको मार पनि त्यस्तै चर्को छ । यस्तो महँगीमा दुई वटा बच्चा जन्माएर उनीहरुलाई पालन पोषण नै गर्न सकिँदैन ।’ चिनियाँ अनलाइन प्लेटफर्ममा गरिएको सर्वेक्षणको २०२० को प्रतिवेदनले आगामी वर्षसम्म घरेलु समस्याका कारण विवाह गर्न र बच्चा जन्माउन अस्वीकार गर्नेहरुको संख्या ३० करोडभन्दा बढी हुनसक्ने जनाइएको छ ।
चीन सरकारले भने जनसंख्या वृद्धिका लागि तीन सन्तान जन्माउनेहरुलाई राज्यले सुविधा उपलब्ध गराउने जनाएको छ । यसअघि चीनमा जनसंख्या धेरै भएपछि वान चाइल्ड पोलिसी र महँगि तथा करको दायरा बढाइएको थियो । जनसंख्यामा फेरि गिरावट आएपछि सन् २०१५ मा वान चाइल्ड पोलिसीलाई खारेज गरिएको थियो ।
Hamro Parto AD
MEGA

प्रतिक्रिया दिनुहोस्

सिफारिस:

Mobile Sticky Ad Test
अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal