भारत । भारतको केन्द्रीय सरकारले कोरोना भाइरसविरुद्धको १२० मिलियन डोज खोपको वितरण गर्ने भएको छ । जसमध्ये १०० मिलियन डोज खोप कोभिशिल्ड र २० मिलियन डोज कोभ्याक्सिन खोपहरु वितरण गर्न लागेको हो । उक्त खोपहरु जुलाईभित्रै भारतका सबै राज्यहरु र केन्द्र शासित प्रदेशहरुमा वितरण गरिने भएको हो ।

यी १२० मिलियन खोप डोजहरु जुलाईसम्म देशभरि उपलब्ध हुने भएका हुन् । सरकारको नयाँ खोप नीति अनुसार ७५ प्रतिशतले केन्द्रले निशुल्क राज्यहरुलाई उपलब्ध गराउने भएको छ भने २५ प्रतिशत खोप निजी क्षेत्रमार्फत उपलब्ध हुने भएको हो । भारतमा पछिल्लो समय खोप अभियान व्यापकरुपमा सञ्‍चालन भइरहेको छ । जुन २१ देखि २७ को बीचमा सरकारले नयाँ चरणको खोप अभियान सुरु भएको हो । यसबीचमा हरेक दिन करिब ६० लाख मानिसहरुलाई खोप लगाइएको जनाइएको छ ।

विज्ञहरुका अनुसार दैनिक खोपको गतिले मुलुकमा देखिएको कोरोना संक्रमितको संख्यामा पनि गिरावट आएको छ । जुलाईभर हरेक दिन १२ मिलियन मानिसहरुलाई खोप लगाइने लक्ष्य राखिएको छ । भारत सरकारले गर्भवती महिलाहरुलाई पनि खोप लगाउन सक्ने जनाएको छ । यसअघि गर्भवती महिलाहरुका लागि लगाउन नहुने भए पनि पछिल्लो समय गरेको अध्ययनले गर्भवती महिलाहरुलाई पनि खोप लगाउन अनुमति दिइएको हो ।