भारत । एनआरआई उद्यमी वेदान्त बरुआ युएईको १० बर्षे गोल्डन भिसा प्राप्त गर्ने पहिलो आसामी बन्न पुगेका छन् । यूएईमा प्रायः प्रमुख विश्वव्यापी व्यक्तित्वका लागि गोल्डेन भिसा दिने गरिएको छ । असमको डिब्रुगढ़ जिल्लाका बरुआहलाई युएईको आर्थिक विकास विभाग अबुधाबीले लगानीकर्ता वर्गमा विशेष भिसा दिएको हो ।
‘यो मेरो लागि गर्वको क्षण हो । म आफूलाई गर्व महसुस गर्छु र युएई सरकार र आर्थिक विकास विभागलाई धन्यवाद दिन चाहन्छु,’ बरुआले पीटीआईलाई भने । २००६ मा पहिलो पटक युएई गएका अग्रणी व्यवसायीले बिहीबार भिसा पाएका थिए । जुन यो वर्ष २३ जुनदेखि जून २२, २०३१ सम्म मान्य हुने आधिकारिक कागजातमा भनिएको छ । उनी बर्नस ब्रेट मसौद बीमा एलएलसीका प्रमुख कार्यकारी अधिकृत हुन् । जसको ब्रिटेन, ईयू र भारतमा कार्यालयहरू छन् र विश्वव्यापी रूपमा सञ्चालन हुन्छन् ।
२०१९ मा युएई सरकारले दीर्घकालीन बसोबास भिसाका लागि नयाँ प्रणाली लागू गरेको हो । जसले विदेशीहरूलाई पश्चिमी एसियाली मुलुकमा राष्ट्रिय प्रायोजकको आवश्यकता बिना र त्यहाँका व्यवसायहरूको १०० प्रतिशत स्वामित्वमा रहन सक्षम बनाउने छ । गोल्डन भिसा पाँच वा १० बर्षको लागि जारी गरिन्छ र स्वचालित रूपमा नवीकरण हुनेछ । सामान्यतया, १० बर्षे गोल्डेन भिसालाई धनी व्यक्तिहरूमा लक्षित गरिएको छ ।
