काठमाडौं । काठमाडौं उपत्यका खानेपानी लिमिटेडले कर्मचारीको माग गरेको छ । संस्थाले आन्तरिक, खुला र बढुवा गरी ८८ जना कर्मचारीको माग गरेको हो । केयुकेएलले ५ तहदेखि ९ तहसम्मका विभिन्न पदमा जागिर खुलाएको हो ।

इच्छुक आवेदकले  विज्ञापन प्रकाशित भएको मितिले २१ दिनभित्र फारम भर्न सक्नेछन् । ९ तहका लागि २५ सय, ६ देखि ८ तहका लागि २ हजार रुपैयाँ र ५ तहका लाग १५ सय रुपैयाँ लाग्नेछ । साथै समावेशी समूहतर्फ थप ५० प्रतिशत दस्तुर लाग्नेछ ।