काठमाडौँ । बैंकिङ कसूरको मुद्दामा फरार महिला प्रतिवादी पक्राउ परेकी छिन् । केन्द्रीय अनुसन्धान ब्यूरोको टोलीले  बैंकिङ कसूरको मुद्दामा फरार रहेकी ४४ वर्षिया पवित्रा श्रेष्ठलाई पेप्सीकोलाबाट सोमबार पक्राउ गरेको हो ।

सो मुद्दामा उनलाई उच्च अदालत पाटनले ३ दिन कैद र १४ लाख रुपैंयाँ जरिवाना ठहर गरेको थियो । त्यसपछि उनि फरार रहेकी थिइन् । श्रेष्ठले आफ्नो खातामा पर्याप्त मौज्दात रकम नभएको भन्ने जानी/जानी झुक्यानमा पारी नबिल बैंकको चेक काटेर दिएकी थिइन् ।

श्रेष्ठमाथि बैंकिङ कसूर तथा सजाय ऐन २०६४ को दफा ३ (ग) बमोजिमको कसूरमा दफा १५ (१) बमोजिम सजाय हुने गरी फैसला भएको छ भने फैसला कार्यान्वयनको लागि काठमाडौं जिल्ला अदालतमा पेश गरिएको छ ।