">
काठमाडौं । एनएलजी इन्स्योरेन्सको वार्षिक साधारणसभा साउन २१ गते (बिहिबार) हुने भएको छ । सभा कम्पनीको प्रधान कार्यालय पानीपोखरीमा बिहान १० बजे भर्चुअल माध्यमबाट सुरु हुने भएको हो ।
सभामा गत आर्थिक वर्षको नाफाबाट १०% बोनस सेयर र कर तिर्न ०.५२% नगदसहित कुल १०.५२% लाभांश दिने प्रस्ताव सभामा पेस गरिने भएको छ । यस्तै आर्थिक वर्ष २०७६/७७ को वार्षिक प्रतिवेदन, नाफा नोक्सान हिसाब तथा नगद प्रवाह विवरणमा छलफल गरी पारित गर्ने एजेन्डा पनि रहेको छ ।
कम्पनीले सभाका लागि साउन १४ गतेबाट बुक क्लोज गर्ने भएको छ । जसकारण साउन १३ गतेसम्म कायम सेयरधनीले सभामा भाग लिन र प्रस्तावित लाभांश पाउनेछन् ।
