• अर्थ सरोकार सम्बाददाता 

काठमाडौं । नियामक निकाय नेपाल धितोपत्र बोर्डले मैलुङ खोला जलविद्युत कम्पनीलाई आईपीओ निष्काशन गर्न अनुमति दिएको छ । बोर्डले कम्पनीलाई आईपीओ निष्काशन गर्न असार २३ गते अनुमति दिएको हो । 

बोर्डबाट अनुमति पाएसंगै अब कम्पनीले एक सय रुपैयाँ अंकित दरमा ७ करोड ३६ लाख २८ हजार ६ सय रुपैयाँ बराबरको ७ लाख ३६ हजार २८६ कित्ता आईपीओ बिक्री गर्नेछ। आइपीओ निष्काशन तथा विक्री प्रबन्धकमा सिद्धार्थ क्यापिटल लिमिटेड रहेको छ ।

कम्पनीले पहिलो चरणमा स्थानीय बासिन्दाका लागि १० प्रतिशत सेयर बिक्री गर्नेछ भने २० प्रतिशत सर्वसाधारणलाई बिक्री गर्नेछ ।