काठमाडौं । युनाइटेड इन्स्योरेन्स लिमिटेडको वार्षिक साधारणसभा हुने भएको छ । कम्पनीको २७औं वार्षिक साधारणसभा साउन ३१ गते आइतबार हुने भएको हो । कम्पनीले उक्त साधारणसभा अनलाइन भर्चुअल माध्यमबाट गर्ने भएको छ । उक्त सभा बिहान ११ बजेदेखि सुरु हुने भएको छ । सभाले आर्थिक वर्ष २०७६/७७ को वार्षिक प्रतिवेदन पारित गर्ने भएको छ ।

यसका साथै लेखापरीक्षण प्रतिवेदनसहित वासलात, नाफा नोक्सान हिसाब, नगद प्रवाह विवरण सहित अनुसूचीहरु पारित गर्ने भएको छ भने आर्थिक वर्ष २०७७/७८ का लागि बाह्य लेखापरीक्षक नियुक्त गर्ने तथा निजको पारिश्रमिक तोक्ने प्रस्ताव पारित गर्नेछ । साथै साधारणसभा प्रयोजनार्थको लागि इन्स्योरेन्सले साउन २० गतेदेखि बुकक्लोज गर्ने भएको छ । यस अनुसार साउन १९ गतेसम्म नेप्सेमा कारोबार भइ कायम सेयरधनीहरुले मात्र साधारणसभामा सहभागिता हुन पाउनेछन् ।