काठमाडौं । गत आर्थिक वर्षको चौथो त्रैमासमा बैंक अफ काठमाण्डूको खुद नाफामा  ४.५०% ले बढेको छ । बैंकले वित्तीय विवरण सार्वजनिक गर्दै १ अर्ब ५३ करोड ५९ लाख ७२ हजार रुपैयाँ कमाएको जनाएको हो । अघिल्लो वर्षको यसै अवधिमा यस बैंकले १ अर्ब ४६ करोड ९६ लाख ९५ हजार रुपैयाँ खुद नाफा कमाएको थियो ।

बैंकको वितरणयोग्य नाफा भने २७.९७% ले बढेर १ अर्ब १२ करोड ७१ लाख ४५ हजार रुपैयाँ पुगेको छ । जुन अघिल्लो वर्ष यसको वितरणयोग्य नाफा ८८ करोड ७ लाख ८५ हजार रुपैयाँ थियो । बैंकको खुद ब्याज आम्दानी १४.२९% ले घटेर ३ अर्ब १४ करोड ९८ लाख ९३ हजार रुपैयाँमा सीमित भएको छ ।

यता सञ्चालन नाफा ७.७२% ले बढेर २ अर्ब २५ करोड ५८ लाख ११ हजार रुपैयाँ पुगेको छ । प्रतिसेयर आम्दानी १५ रुपैयाँ ९० पैसा छ ।