काठमाडौं । गत आर्थिक वर्षको चौंथो त्रैमासमा गणपति लघुवित्त वित्तीय संस्थाको नाफा बढेको छ । कम्पनीले खुद नाफा ७५.९१% ले बढेर ४ करोड २१ लाख ३१ हजार रुपैयाँ कमाएको वित्तीय विवरण सार्वजनिक गरेको हो । वित्तीय विवरण अनुसार यो अवधिसम्म आउँदा कम्पनीको प्रतिसेयर आम्दानी ११ रुपैयाँ ४५ पैसाले बढेर ३३ रुपैयाँ ८ पैसा पुगेको छ भने प्रतिसेयर नेटवर्थ १४४ रुपैयाँ २८ पैसा छ ।
यस्तै कम्पनीको खुद ब्याज आम्दानी ४०.७५% र सञ्चालन नाफा ६०.०८% ले बढेको छ । प्रोभिजनमा ३ करोड १८ लाख छुट्याउँदा १ करोड ७९ लाख रुपैयाँ राइट ब्याक गर्न सफल भएको छ । साथै कम्पनीको रिजर्भ कोष पनि ७३.३६% ले बढेर ५ करोड ६३ लाख ८८ हजार रुपैयाँ जम्मा भएको छ । यो अवधिसम्म आइपुग्दा कम्पनीको चुक्ता पूँजी १२ कोड ७३ लाख ५६ हजार रुपैयाँ छ ।
