काठमाडौं । हिमालयन जनरल इन्स्योरेन्सको खुद नाफा घटेको छ । गत आर्थिक वर्षको चौथो त्रैमाससम्म आइपुग्दा कम्पनीको खुद नाफा १०.३५% ले घटेर १५ करोड ५५ लाख ६६ हजार रुपैयाँमा सीमित भएको हो। अघिल्लो वर्षको यसै अवधिमा कम्पनीले १७ करोड ३५ लाख ३७ हजार रुपैयाँ खुद नाफा कमाएको थियो ।
यसअवधिमा बिमा कोषको आकार पनि १३.८४% ले बढेर ६३ करोड ९७ लाख १८ हजार रुपैयाँ पुगेको छ । कम्पनीका अनुसार खुद बिमा शुल्क भने ३.९६% ले घटेर २५ करोड ९ लाख २० हजार रुपैयाँ पुगेको छ ।
यस्तै असार मसान्तसम्म प्रतिसेयर आम्दानी २ रुपैयाँ ०६ पैसाले घटेर १४ रुपैयाँ १४ पैसामा सीमित भएको छ भने प्रतिसेयर नेटवर्थ १८५ रुपैयाँ २२ पैसा छ ।
