काठमाडौं । गत आर्थिक वर्षको चौंथो त्रैमासमा कालिका लघुवित्त वित्तीय संस्थाको नाफा बढेको छ । कम्पनीको नाफा १७६१% ले बढेर ५ करोड ५२ लाख रुपैयाँ पुगेको हो । अघिल्लो वर्ष यो कम्पनीले २९ लाख ६७ हजार रुपैयाँ मात्र नाफा कमाएको थियो ।
असार मसान्तसम्म फसेको ११ करोड रुपैयाँ ३६ लाख रुपैयाँ राइट ब्याक गरेपछि कम्पनीको नाफा ह्वात्तै बढेको छ । कम्पनीले प्रतिसेयर आम्दानी १२ रुपैयाँ ०७ पैसाले बढाएर १९ रुपैयाँ ८९ पैसा पुर्याएको छ भने प्रतिसेयर नेटवर्थ १५४ रुपैयाँ १७ पैसा छ ।
यस्तै कम्पनीको खुद ब्याज आम्दानी पनि ७३.३१% ले बढेको छ भने कम्पनी २ करोड ६० लाख रुपैयाँ सञ्चालन घाटामा रहेको छ । असारसम्म १ अर्ब १५ करोड रुपैयाँ निक्षेप संकलन गरेको कालिकाले ३ अर्ब ५८ लाख रुपैयाँ कर्जा लगानी गरेको छ ।
