काठमाडौं । कर्णाली डेभलपमेन्ट बैंकको नाफामा आकर्षक वृद्धि भएको छ । बैंकले असार मसान्तसम्म खुद नाफा बढाएर ५ करोड ८ लाख ७७ हजार रुपैयाँ खुद नाफा कमाउन सफल भएको छ । अघिल्लो वर्षको सोहि अवधिमा बैंकले ९ लाख ९ हजार रुपैयाँ नाफा कमाएको थियो ।
सार्वजनिक वित्तीय विवरण अनुसार असार मसान्तसम्म बैंकको प्रतिसेयर आम्दानी १० रुपैयाँ १२ पैसा र प्रतिसेयर नेटवर्थ १११ रुपैयाँ ०५ पैसा रहेको छ । यस्तै, बैंकको खुद ब्याज आम्दानी १३९.८८% ले बढेर १६ करोड ३३ लाख रुपैयाँ पुगेको छ । असार मसान्तसम्म बैंकको सञ्चालन नाफा पनि ५४ सय ९२.९७ ले बढेर ५ करोड ८ लाख रुपैयाँ पुगेको छ ।
हालसम्म बैंकले ४ अर्ब ६४ करोड रुपैयाँ निक्षेप संकलन गरी ३ अर्ब १३ करोड रुपैयाँ कर्जा लगानी गरेको छ भने बैंकको रिजर्भ कोषमा २ करोड ३४ लाख रुपैयाँ छ । बैंकले खराब कर्जा भने ०.८६% बाट बढेर १.८६% कायम भएको छ ।
