काठमाडौं । किसान लघुवित्त वित्तीय संस्थाले पनि गत आर्थिक वर्षको चौंथो त्रैमासको वित्तीय विवरण सार्वजनिक गरको छ । कम्पनीले खुद नाफा १२.१७% ले बढाएर ६१ करोड ४९ लाख ९० हजार रुपैयाँ कमाएको वित्तीय विवरण सार्वजनिक गरेको हो । अघिल्लो वर्षको यसै अवधिमा यस कम्पनीले ५४ करोड ८२ लाख २१ हजार रुपैयाँ नाफा कमाएको थियो ।

असार मसान्तसम्म कम्पनीको खुद ब्याज आम्दानी ९.०२% ले बढेर १ अर्ब २१ करोड ६९ लाख २७ हजार रुपैयाँ पुगेको छ भने सञ्चालन नाफा ५.७८% ले घटेर ७७ करोड ४० लाख ७६ हजार रुपैयाँमा सीमित भएको छ । यस्तै  प्रतिसेयर आम्दानी ५ रुपैयाँ ५७ पैसाले घटेर ४९ रुपैयाँ १४ पैसामा सीमित भएको छ । प्रतिसेयर नेटवर्थ २८५ रुपैयाँ ८७ पैसा छ ।