काठमाडौं । मेरो माइक्रोफाइनान्स लघुवित्त वित्तीय संस्थाको आज सोमबारदेखि ५ लाख ९८ हजार ५९८ कित्ता सेयर लिलामी खुला भएको छ । कम्पनीले न्यूनतम ५९५ रुपैयाँ भाउ राखेर संस्थापक समूहको सेयर लिलामीमा बिक्रीमा ल्याएको हो ।
विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले कम्पनीको यो सेयर किन्न सक्नेछन् । यसमा साउन ३२ गते दिउँसो २ बजेससम्म बोलपत्र पेश गर्न सकिनेछ ।
लगानीकर्ताले न्यूनतम १००० कित्ता र अधिकतम सम्पूर्ण कित्ताका लागि पनि आवेदन दिन सक्नेछन् भने लिलामीको बोलपत्र बिक्री प्रबन्धक एनएमबि क्यापिटल, नागपोखरीमा बुझाउन सकिनेछ ।
