काठमाडौं । सगरमाथा इन्स्योरेन्सले असार मसान्तसम्म ४५ करोड १५ लाख ९० हजार रुपैयाँ खुद नाफा कमाएको छ । कम्पनीले अघिल्लो आर्थिक वर्षमा ३८ करोड ८ लाख १८ हजार रुपैयाँ रहेको खुद नाफा असार मसान्तसम्म १८.५८% ले वृद्धि गरेको हो ।

यो अवधिसम्म आउँदा कम्पनीले १ अर्ब २३ करोड ५६ लाख रुपैयाँ खुद बिमा शुल्क आर्जन गरेको छ । सगरमाथको लगानी, कर्जा तथा अन्यबाट आम्दानी ६७.२७% ले बढेर २१ करोड ३४ लाख ५५ हजार रुपैयाँ पुगेको छ । अघिल्लो वर्ष यस्तो आम्दानी १२ करोड ७६ लाख १३ हजार रुपैयाँ मात्र थियो ।

कम्पनीको रिजर्भ कोष ३६.९७% ले बढेको छ भने बिमा कोष पनि १ अर्ब माथि पुगेको छ । प्रतिसेयर आम्दानी ४ रुपैयाँ ८५ पैसाले बढेर ४० रुपैयाँ ६३ पैसा पुगेको कम्पनीले जनाएको छ ।