काठमाडौं । सानिमा माई हाइड्रोपावरले ४० करोड ६८ लाख ९८ हजार रुपैयाँ खुद नाफा कमाएको छ । कम्पनीको यो नाफा अघिल्लो वर्षको सोहि अवधिको तुलनामा १०.९१% ले बढी हो । अघिल्लो वर्षको सोहि अवधिमा कम्पनीले ३६ करोड ६८ लाख ३९ हजार रुपैयाँँ खुद नाफा कमाएको थियो ।
कम्पनीले विद्युत् बिक्रीबाट हुने आम्दानी भने घटेको जनाएको छ । विद्युत बिक्रीबाट हुने आम्दानी १.२१% ले घटेर ८५ करोड ३ लाख ९ हजार रुपैयाँमा सीमित भएको छ । यस्तै प्रतिसेयर आम्दानी १४ रुपैयाँ ४९ पैसा र प्रतिसेयर नेटवर्थ १२४ रुपैयाँ रहेको पनि कम्पनीले जनाएको छ ।
गत वर्ष २४ करोड २० लाख रुपैयाँ रहेको वित्तीय लागत घटाएर अहिले १८ करोड २८ लाख रुपैयाँमा ल्याएको छ । सानिमाको चुक्ता पुँजी २ अर्ब ८० करोड ८४ लाख १० हजार रुपैयाँ छ भने रिटेन्ड अर्निङ शीर्षकमा ६७ करोड ४० लाख ४१ हजार रुपैयाँ राखिएको छ ।
