काठमाडौं । उन्नति सहकार्य लघुवित्त वित्तीय संस्थाले ९ करोड ४९ लाख ९३ हजार रुपैयाँ नाफा कमाएको छ । गत आर्थिक वर्षको चौंथो त्रैमाससम्ममा आइपुग्दा कम्पनीको नाफा १९२.८८% ले बढेको हो । अघिल्लो वर्षको यसै अवधिमा यस कम्पनीले ३ करोड २४ लाख ३४ हजार रुपैयाँ खुद नाफा कमाएको थियो ।
यस्तै कम्पनीले खुद ब्याज आम्दानी र सञ्चालन नाफा पनि बढेको जनाएको छ । खुद ब्याज आम्दानी ३९.३८% र सञ्चालन नाफा २००.५४% ले बढेर १३ करोड ६९ लाख ४२ हजार रुपैयाँ पुगेको छ ।
जगेडा कोषमा १२ करोड ३९ लाख ९६ हजार रुपैयाँ रहेको यस कम्पनीको प्रतिसेयर आम्दानी ३२ रुपैयाँ २३ पैसाले बढेर ५३ रुपैयाँ ९२ पैसा पुगेको छ भने प्रतिसेयर नेटवर्थ १७० रुपैयाँ ३८ पैसा छ ।
