×

Live on

रेडियो अर्थ सरोकार

Listen to live radio.

laxmi sunrise bank

निषेध आदेशको मोडालिटी परिवर्तन ! भीडभाड जन्य गतविधिहरु नगर्न प्रशासन कार्यालय काठमाडौँको निर्देशन (भिडियो रिपोर्ट)

काठमाडौँ । गत वैशाख १६ गतेदेखि जारी भएको निषेधाज्ञाको स्वरुपमा परिवर्तन भएको छ । बुधवार काठमाडौं उपत्यकाका (काठमाडौं, ललितपुर र भक्तपुर) तीन जिल्ला प्रमुखहरुको बैठकले वैशाख १६ गतेदेखि जारी निषेध आदेशको  स्वरुपमा परिवर्तन गरेको हो । बैठकपछि काठमाडौंका प्रमुख जिल्ला अधिकारी कालीप्रसाद पराजुलीले निषेध शब्द हटाएर जारी आदेश मात्रै बनाइएको र यो आदेश भदौ १७ गतेदेखि भाद्र मसान्तसम्म जारी रहने बताउनुभयो । उहाँले बुधवार जारी आदेशले स्वास्थ्यका मापदण्ड पालना गर्ने गरी सबै किसिमका व्यापार, व्यवसाय सञ्चालन गर्न पाउने निर्णय गरिएको जानकारी दिनुभयो ।
उहाँका अनुसार अब काठमाडौं उपत्यकामा भौतिक उपस्थितीमा विद्यालय सञ्चालनको हकमा १८ वर्ष भन्दा मुनिका बालबालिकाहरुले भ्याक्सीन नलगाएकोले अझै केही समय रोक्ने निर्णय गरेको छ । प्रमुख जिल्ला अधिकारी पराजुलीले भौतिक उपस्थितीमा विद्यालय सञ्चालनको जिम्मा स्थानीय तहलाई दिइएकोले कोभिड जिल्ला शंकट व्यवस्थापन केन्द्रसँग समन्वय गरी सञ्चालन गर्न सक्ने पनि बताउनुभयो । उहाँले चाडपर्वहरु भौतिक उपस्थितीमा नमनाउन आग्रह गरेको छ । मनाउने भए सांकेतिक रुपमा मात्र मनाउन पनि आदेश जारी गरिएको बताउनुभयो ।
प्रमुख जिल्ला अधिकारी पराजुलीले भन्नुभयो, ‘गत वैशाख १६ गतेदेखि जारी हुँदै आएको निषेध आदेशलाई हामीले अलिकति मोडालिटी परिवर्तन गरेका छौँ, यो निषेध शब्द हटाएर जारी आदेश मात्रै उल्लेख गरिएको छ, यसमा स्वास्थ्य प्रोटोकल पालना गर्ने गरी सबै किसिमका व्यपार, व्यवसाय सञ्चालन गर्न पाउने व्यवस्था गरिएको छ, विद्यालय सञ्चालनको हकमा हामीले अब १८ वर्ष भन्दा मुनिका बालबालिकाहरुले, विद्यार्थीहरुले भ्याक्सिन नलाएको अवस्थामा यसलाई अझै केही समय हेर्नुपर्छ भनेर भौतिक उपस्थितीलाई हामीले जोड दिएका छैनौँ, अहिले विद्यालय सञ्चालन गर्ने अधिकार स्थानीय तहलाई दिइएको छ, स्थानीय तहले कोभिड जिल्ला शंकट व्यवस्थापन केन्द्रसँग समन्वय गरी सञ्चालन गर्न सक्ने भन्ने अधिकार उहाँहरुलाई प्रत्यायोजन गरेको छ, भीडभाड जन्य गतविधिहरु नगर्ने, चाडपर्वहरु सांकेतिक रुपमा मात्रै मनाउने यो एएटा सूचनामुलक सन्देश, आदेश हामीले जारी गरेका छौँ, यसमा सबै व्यक्तिहरु सचेत भएर संक्रमण दर बढ्न दिनुभएन, अहिलेको अलिकति सहज परिस्थिती छ, यही परिस्थितीलाई कायम राख्न म सम्पूर्ण महानुभावहरुमा अनुरोध गर्दछु ।’
प्रमुख जिल्ला अधिकारी पराजुलीले व्यापार व्यवसाय गर्न पाउने भन्दैमा स्वास्थ्यका मापदण्ड पालना गर्न छोड्नु नहुने बताउनुभयो । उहाँले उपत्यकामा स्वास्थ्य मापदण्डको पालना भए/नभएको बारे प्रशासनले नियमित र आकस्मिक अनुगमन गरिरहने पनि बताउनुभयो । अनावश्यक रुपमा मानिसहरु जम्मा भएर भीडभाड गर्ने, सभा जुलुस गर्ने, जात्रा, महोत्सव र भोज आदि कार्य गर्न नपाउने पनि प्रमुख जिल्ला अधिकारी पराजुलीले बताउनुभयो । हेर्नुहोस् भिडियो :
Hamro Parto AD
TRITON COLLEGE

प्रतिक्रिया दिनुहोस्

सिफारिस: