मुस्ताङको मार्फास्थित स्याउ बगैंचामा स्याउ टिप्दै एक मुस्ताङी कृषक । मुस्ताङमा स्याउ टिप्ने सिजन शुरु भएको छ ।
सल्यानको बनगाड कुपिन्डे नगरपालिका-१ घाटगाउँस्थित बस्तीमा काठको मुधुस तयार गर्दै राउटे बालक । काठबाट कोशी, मुधुस लगायतका सामानहरु निर्माण गरी खाद्यान्नसँग साटेर जीविकोपार्जन गर्नु राउटे समुदायको पुर्ख्यौली पेशा हो । पछिल्ला वर्ष आफ्ना उत्पादनहरु बिक्न छाडेपछि राउटेहरु चिन्तित छन् ।
तनहुँको व्यास नगरपालिका–१ अम्रेनीस्थित धानखेतमा मल छर्दै स्थानिय एक महिला ।
राजविराजस्थित गजेन्द्र नारायण सिंह अस्पताल परिसरमा अलपत्र अवस्थामा रहेको पुरानो एम्बुलेन्स।
पोखरा-८, न्युरोड सडक छेउको हिलोमा सुनका कण खोज्दै भारत महारास्ट्रका नागरिक । सुन पसल र वर्षाको पानीबाट आएको बालुवामा सुनको कण भेटिने उनीहरु बताउँछन् ।
शुक्लाफाँटा नगरपालिका-४, असैनाका परम्परागत पहिरनमा सजिएका राना थारु समुदायका युवतीहरु ।
डाला बेच्न बागलुङको लामेलाबाट म्याग्दीको बेनी नगरपालिका–९ गलेश्वरमा आएका व्यापारी ।
चाडपर्व नजिकिएसँगै लमजुङ बेँसीशहर नगरपालिका–३ रानीकुँवाका किराना पसल मङ्गलबार अनुगमन गर्दै घरेलु तथा साना उद्योग कार्यालय लमजुङका प्रमुख तोपलाल भुसाललगायत ।
