जिल्ला प्रशासन कार्यालय काभ्रेपलाञ्चोकको धुलिखेलमा नागरिकता बनाउन आएका सेवाग्राहीको भीड । कोरोना सङ्क्रमणको प्रभाव अझै रहिरहेको भन्दै भीडभाड कम गर्न जिल्लाका स्थानीय तहलाई आलोपालो सेवा प्रवाह गर्ने व्यवस्था गरिएको भएपनि सेवाग्राहीको सङ्ख्यामा भने कमी आएको छैन ।
पाल्पाको तानसेन, सिल्खानटोलस्थित उद्योगमा ढाका कपडा बुन्दै एक पुरुष । ढाकाको कपडाका लागि पाल्पा प्रख्यात छ ।
आन्तरिक पर्यटनलाई आकर्षित गर्ने उद्देश्यले मध्यपुरथिमि नगरपालिका–८ बोडेस्थित ऐतिहासिक पलिस्वाँ पुखुः अर्थात कमल पोखरीमा नगरपालिकाले सञ्चालनमा ल्याएको डुङ्गामा सयर गर्दैै नगर प्रमुख मदनसुन्दर श्रेष्ठलगायत ।
५७औँ अन्तरराष्ट्रिय बाल दिवसका अवसरमा मङ्गलबार घोराही उपमहानगरपालिकामा भएको कार्यक्रममा सहभागी बालबालिका ।
अन्तरराष्ट्रिय बाल दिवसका अवसरमा बेनीस्थित म्याग्दी बालगृहका रहेका अनाथ बालबालिकाको स्वास्थ्य परीक्षण गरिँदै ।
ऊर्जा, जलस्रोत तथा सिँचाइमन्त्री पम्फा भुसाल मङ्गलबार तनहुँको शुक्लागण्डकी नगरपालिका–५ बेलचौतारास्थित सोलार फार्म प्रालिको उद्घाटन गर्दै ।
राष्ट्रिय बाल दिवसका अवसरमा तनहुँको व्यास नगरपालिका–५, साँगेस्थित जनजुक्त शाही माध्यमिक विद्यालयमा कक्षा १० मा अध्ययनरत शारीरिक अपाङ्गता प्रतिमा श्रेष्ठलाई रु १५ हजार १०५, विद्यालय पोशाक र शैक्षिक सामग्री हस्तान्तरण गर्दै इनरह्विल क्लबकी अध्यक्ष मञ्जु थापा । क्लबले विभिन्न सामाजिक कार्यमा सहयोग गर्दै आएको छ ।
राष्ट्रिय बाल दिवसका अवसरमा बालसुधार गृह भैरहवामा रहेका १०९ बालकको स्वास्थ्य परीक्षण गरिँदै । नेपाल बालकल्याण संस्था र रोटरी क्लब सेन्ट्रल लुम्बिनीले तिनीहरुको स्वास्थ्य जाँच गराएका हुन् ।
