NABIL AD

इजरायल जानका लागि आवेदन दिएका २७९० जनाको आवेदन फारम रद्ध, नक्कली कागजपत्र पेश गरेको खुलासा (भिडियो)

GARIMA BANK
  • अर्थ सरोकार सम्बाददाता

काठमाडौं । सरकारले नक्कली कागजपत्र पेश गर्दै इजरायल जानका लागि भन्दै आवेदन दिएका २७९० जनाको आवेदन फारम रद्ध गरेको जनाएको छ । सिंहदरबारमा शुक्रबार बसेको प्रतिनिधिसभा अन्तर्गतको उद्योग तथा वाणिज्य, श्रम र उपभोक्ता हित संरक्षण समितिमा श्रम, रोजगार तथा सामाजिक सुरक्षा मन्त्रालयका सचिव सूर्य प्रसाद गौतमले नक्कली कागजपत्र पेश गर्दै आवदेन दिएको खुलेपनि उनीहरुको आवेदन फारम रद्ध गरेको जानकारी दिनुभयो । कारवाहीको डरले अझैपनि अन्तर्वाताका क्रममा आफ्ना आवदेन रद्ध गरिपाँउ भन्ने निवेदन आएको उहाले बताउनुभयो ।

६ हजार ३ सय १७ जनाले परिक्षा दिएकामा दुई हजार ३९ जना उतिर्ण भएको र त्यसमध्येपनि १६ सय जना छनौट भएको उहाले बताउनुभयो । छनौट भएका १६ सय मध्ये इजरायल सरकारको निकायबाट लटरीप्रथाबाट एक हजार जनालाई मात्र अन्तिम छनौट गर्ने सचिव गौतमले जानकारी दिनुभयो । उहाले अहिलको प्रक्रिया सकिने बितिकै २५ सयको डिमान्ड तयारी अवस्थामा रहेको उल्लेख गर्नुभयो । इजराइल जानेले महिनाको दुई लाख पाउने र नेपालको रेमिटेन्स पनि बढ्ने उहाको भनाई छ ।

त्यस्तै बैठकमा वैदेशिक रोजगार विभागका महानिर्देशक दीपक काफ्लेले आवेदकले प्रमाणपत्रहरु, उचाई, तौल, शेक्षिक योग्यता लगायतका कुुरा स्वघोषणा गरी निवेदन दिएकोमा अधिकांशको निवेदनमा त्रुटी देखिएको बताउनुभयो । उहाले उत्तरपुस्तिकालाई चिकित्सा शिक्षा आयोगमा लगेर मेसिनले नै जाँच्ने प्रविधिको प्रयोग गरिएकाले नजिताको काम छिटो भएको जानकारी दिनुभयो । बैठकमा समिति सदस्यहरुले बैदेशिक रोजगारमा जाने कामदारबाट लिइने शुल्क तोकिएपनि बढि शुल्क बुझाउनुपर्ने गुनासो आएको भन्दै मन्त्रालय र बिभागको ध्यानाकर्षण गराएका थिए । जवाफमा मन्त्रालयका सचिव गौतमले बैदेशिक रोजगारमा जादा १० हजारमात्र बुझाउनुपर्ने नियमलाई अव परिवर्तन गर्नुपर्ने अवस्था आएको धारणा राख्नुभयो । हेर्नुहोस् भिडियोः

 

Jagadamba
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal