काठमाडौं । डिप्रोक्स लघुवित्त वित्तीय संस्थाले चालु आर्थिक वर्षको पहिलो त्रैमासमा खुद नाफा घटेको वित्तीय विवरण सार्वजनिक गरेको छ । कम्पनीले खुद नाफा १२.३७% ले घटेर १७ करोड ३५ लाख ८७ हजार रुपैयाँमा सीमित भएको वित्तीय विवरण सार्वजनिक गरेको हो ।

यता यस कम्पनीको खुद ब्याज आम्दानी १.२०% ले घटेर ३५ करोड ९१ लाख ४० हजार रुपैयाँमा झरेको छ भने यो वर्ष कम्पनीले २३ करोड २ लाख २८ हजार रुपैयाँ सञ्चालन नाफा कमाएको छ । जुन गत वर्षको सोहि अवधिमा १ अर्ब १० करोड ९१ लाख ५६ हजार रुपैयाँ सञ्चालन नाफा नोक्सानमा रहेको थियो ।

संस्थाको प्रतिसेयर आम्दानी २८ रुपैयाँ ८५ पैसाले घटेर ५० रुपैयाँ ०४ पैसामा सीमित भएको छ । अघिल्लो वर्ष यसको प्रतिसेयर आम्दानी वार्षिक ७८ रुपैयाँ ८९ पैसा थियो । संस्थाले यो अवधिसम्म आउँदा १ करोड ८५ लाख १७ हजार रुपैयाँ राइट ब्याक गरेको छ ।