काठमाडौं । गुराँस लाइफ इन्स्योरेन्सको वार्षिक साधारणसभा मंसिर १० गते हुने भएको छ । सभा कम्पनीको प्रधान कार्यालय, श्री राज भवन, तिनकुने, काठमाडौंमा बिहान ११ बजेबाट हुने भएको हो । कम्पनीले सभामा आर्थिक वर्ष २०७५/७६ को नाफाबाट लगानीकर्तालाई प्रस्ताव गरेको लाभांश अनुमोदन गर्ने विशेष प्रस्ताव रहेको जनाएको छ ।
सभामा आर्थिक वर्ष २०७५/७६ को नाफाबाट लगानीकर्तालाई ५.५०% बोनस सेयर र कर प्रयोजनको लागि ०.२८% नगद लाभांश दिने निर्णय पेस गर्नेछ । बोनस सेयरपछि कम्पनीको चुक्ता पूँजी, अधिकृत पूँजी र जारी पूँजी वृद्धि हुने हुँदा सोही अनुरुप नियमावली संसोधन गर्ने एजेन्डा पनि छ ।
सभा तथा लाभांश वितरणका लागि कम्पनीले कात्तिक २३ गतेदेखि मंसिर १० गतेसम्म बुक क्लोज गर्ने भएको छ । कात्तिक २२ गतेसम्म कायम सेयरधनीले उक्त लाभांश पाउने छन् ।
