काठमाडौं । माछापुच्छ्रे कृति क्यापिटल लिमिटेडको वार्षिक साधारणसभा हुने भएको छ । कम्पनीको दोस्रो वार्षिक साधारणसभा कात्तिक १० गते बुधबार हुने भएको हो । सभा एम्बेस्सी रेष्टुरेन्ट पानीपोखरी काठमाडौंमा बिहान ११ बजे सुरु हुनेछ । सभामा १३.४ प्रतिशत लाभांश वितरण गर्ने प्रस्ताव पेश हुनेछ ।
कम्पनीले गत वर्षको नाफाबाट ७ प्रतिशत बोनस सेयर र कर प्रयोजन सहित ६.४ प्रतिशत नगद लाभांश वितरण गर्न लागेको हो । सभामा आर्थिक वर्ष २०७७/७८ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव पनि हुनेछ । आर्थिक वर्ष २०७८/७९ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेण्डा पनि छ ।
